وزیراعلیٰ کا زیر آب علاقوں کا دورہ

دہرادون۔ چیف منسٹر پشکر سنگھ دھامی نے منگل کو بارش سے متاثرہ علاقوں کا اچانک معائنہ کیا۔ معائنہ کے دوران آئی ایس بی ٹی دہرادون میں سڑک پر پانی جمع ہونے کو دیکھ کر وزیر اعلیٰ نے ضلع مجسٹریٹ دہرادون کو ہدایت دی کہ وہ پانی بھرنے کی وجوہات کی جانچ کریں اور قصوروار پائے جانے والے اہلکاروں کے خلاف سخت کارروائی کریں۔ وزیراعلیٰ نے نکاسی آب کا مسئلہ جلد حل کرنے کی ہدایت کی۔
         اس کے بعد وزیر اعلیٰ نے چندرابانی دہرادون کا زمینی معائنہ کیا۔ چندرابانی کی ایک کالونی میں جنگل سے پانی داخل ہونے کی وجہ سے پانی جمع ہوگیا۔ مقامی لوگوں نے بتایا کہ یہاں حفاظتی دیوار کا کام مکمل نہ ہونے کی وجہ سے یہ مسئلہ درپیش ہے۔ وزیر اعلیٰ نے ضلع مجسٹریٹ دہرادون کو ہدایت دی کہ اس مسئلہ کو جلد حل کیا جائے۔ اگر لوگوں کو اناج اور دیگر ضروری اشیاء کی ضرورت ہو تو اس کے لیے مناسب انتظامات کیے جائیں۔ معائنہ کے دوران کمشنر گڑھوال ونے شنکر پانڈے، ضلع مجسٹریٹ دہرادون سونیکا اور ضلع انتظامیہ کے افسران موجود تھے۔